IPSO (Infrastructure Projects Support Office) არის Grundfos-ისა და კომპანია მეგაპროჯექტის ერთობლივი ინიციატივა, რომელიც მიზნად ისახავს ინფრასტრუქტურულ ობიექტებზე თანამედროვე ტექნოლოგიებისა და ინოვაციური მიდგომების დანერგვის მხარდაჭერას.
პროექტის ბენეფიციარები არიან სექტორში მოქმედი საპროექტო, სამშენებლო, მონტაჟისა და ოპერატორი ორგანიზაციები. პროექტის ფარგლებში ტარდება როგორც სასწავლო და საკონსულტაციო ღონისძიებები, ასევე დარგობრივი კვლევითი სამუშაოები.
ჩვენი მიზანია, რომ საქართველოში ინფრასტრუქტურული პროექტების ტექნოლოგიური გადაწყვეტილებები და შესრულების ხარისხი შეესაბამებოდეს წამყვანი ევროპული ქვეყნების სტანდარტებს.
პროექტების დაგეგმვისას ვცდილობთ, შევამციროთ მათი ზეგავლენა როგორც ადგილობრივ ეკოსისტემაზე, ასევე გლობალურ კლიმატზე, თანამედროვე მიდგომებისა და მდგრადი ტექნოლოგიების გამოყენებით.
სამშენებლო და ტექნოლოგიური პროცესების განხორციელებისას პრიორიტეტია შრომისა და ჯანმრთელობის უსაფრთხოების მაღალი სტანდარტების დაცვა, რათა შევქმნათ უსაფრთხო და პასუხისმგებლიანი სამუშაო გარემო.
პროექტებთან დაკავშირებული პროცესები Grundfos-ის აკრედიტირებული სპეციალისტებისა და მენეჯერების მონაწილეობით იგეგმება და ხორციელდება, რაც უზრუნველყოფს მაღალი ხარისხის ცოდნისა და გამოცდილების გაზიარებას.
დადგენილი პერიოდულობით ან/და მოთხოვნის საფუძველზე ტარდება სასწავლო პროგრამები Grundfos-ის პროდუქციისა და ტექნოლოგიების შესახებ.
სემინარების ფარგლებში სპეციალისტები აზიარებენ პრაქტიკულ გამოცდილებასა და ექსპერტულ ცოდნას, რაც ხელს უწყობს მონაწილეების პროფესიულ განვითარებას.
პროექტის კონცეფციის შემუშავებაში სპეციალისტების ჩართვა მნიშვნელოვნად ამარტივებს და აჩქარებს პროექტირების პროცესებს. ეს ეტაპი მნიშვნელოვანია როგორც Grundfos-ისთვის, ისე პროექტის განხორციელებაზე მომუშავე ორგანიზაციებისათვის, რადგან წინასწარი ზედამხედველობა და ინფორმირებული გადაწყვეტილებები ზრდის სამუშაოების ეფექტურობას და უზრუნველყოფს პროექტის წარმატებულ განხორციელებას.
სპეციალისტების დახმარებით პროექტირების ეტაპზე წარმოშობილი სირთულეების განხილვა, ანალიზი და საინჟინრო გადაწყვეტილებების მიღება ამცირებს შეუთავსებლობისა და კორექტირებების საჭიროების რისკებს, ხელს უწყობს პროექტის პრაქტიკულობისა და სანდოობის ზრდას.
შესრულებული სამუშაოების რეგულარული შემოწმება და დროული კორექტირება კრიტიკულად მნიშვნელოვანია ობიექტის დათქმულ ვადაში დასრულებისთვის. ეს პროცესი ხელს უწყობს გაუთვალისწინებელი დროის დაკარგვისა და დამატებითი ფინანსური ხარჯების თავიდან აცილებას, უზრუნველყოფს სამუშაოების ეფექტურობას და პროექტის წარმატებულ განხორციელებას.
Grundfos-ის საიტის დაანგარიშების და ტუმბოების შერჩევის ინსტრუმენტები არის ძალიან მოსახერხებელი. თუ კი რამე გაუგებარი შემხვდა, ყოველთვის მაქვს IPSO-ს კონსულტანტების იმედი.
ამ გუნდთან მუშაობის კარგი გამოცდილება დამიგროვდა. მიხარია, რომ მათი მეშვეობით ყოველთვის შემიძლია მივიღო, როგორც კვალიფიციური რჩევა, ასევე, პრაქტიკული გამოცდილება. ეს ამარტივებს და აჩქარებს პროექტირების პროცესს, ამცირებს შემდგომი გადაკეთებების საჭიროებებს.
